ركز على الأهداف

ركز على الأهداف

فى البداية كده ،، ماتفرحش عندك كام زيارة فى اليوم لموقعك وخلاص ، انك تجيب زيارات للموقع حاجة سهلة، بس انك تجيب زيارات Target وتحقق اهدافك هو دا الشغل الصح

هندخل على مثال عملي فى اختيارك للكلمات اللى بتستهدفها فى موقعك او موقع العميل بتاعك وبتشتغل عليها سيو SEO وبتحارب علشان تطلع فيها
فكر الاول ، الكلمة دي هتعملك ايه وهل هتستفاد بيها والا لا ، ما تضيعش مجهود على الفاضي وخلاص ، خليك ذكي ، وخلي غيرك يحاربك وينافسك على الكلمات الصعبة، فى حين انك مركز اكتر على الكلمات اللى بتحقق اهدافك اكتر واللى ممكن تكون اسهل فى المنافسة

هنتكلم عملي اكتر علشان الموضوع يوصلكم

كلمة زي كلمة ( سيو او SEO ) طول عمرنا كسيو ايرا متصدرين فى الاول بالكلمة دي وكانت بتجيب زيارات كتير جدا اكيد ، وكنا بنطلع مش بكلمة ( سيو ) بس ، لا كنا بنطلع بيها بالانجليزي كمان ( SEO ) طبعا لان سيو ايرا كانت من اوائل المواقع اللى فى مصر والوطن العربي اللى بتتكلم فى الموضوع ، من سنة 2009 ، يعني من حوالي 7 سنين ، وكانت المنافسة ضعيفة وقتها ، ومكناش شركة بالحجم اللى بفضل الله وصلنا ليه ولا بحجم العملاء اللى بنفتخر بيهم حالياً

طلع مواقع كتير جدا وبدأوا يفكروا فى اهم كلمة فى الموضوع ، وهي كلمة سيو ، وفعلا بيطلعوا قبلنا دلوقتي فى جوجل بيها ومتصدريين ، طيب هل احنا مش عاوزين نطلع فيها ؟ اكيد بنشتغل عليها برضوا ، بدليل اللينكات اللى فى المقال دا علشان نقوي كلمة سيو بيها :)
طول ما في منافسة ، طول ما في شغل وروح ودا اللى احنا عاوزينة

بس من منظور تاني بقى ، منظور Bussiness بحت ، احنا متصدرين بكلمات اهم واللى هي بتجيب العميل ، مش بتجيب زيارات ، مهو احنا شركة ربحية وبتقدم خدمات مدفوعه ، واكيد فى موظفين ومرتبات وخلافة :( 
كلمات كتير زى ( شركة سيو ، خدمات سيو ، شركات سيو ، شركة SEO ، تصميم مواقع وغيرها كتير ) بالاضافة طبعا لكلمات زي ( تعليم سيو ، التسويق الالكتروني ، اشهار المواقع ، الميتا تاج ، seo شرح وغيرها برضو كتير )

كلمة زي ( سيو ) هتجيب زيارات ، بس مش هتجيب عملاء بطريقة مباشرة وكمان كلمات زي تعليم سيو وهكذا ، انما كلمة زى شركة سيو و خدمات سيو وغيرها بتجيب عميل بطريقة مباشرة ، وهنا هيتحقق هدفك من الموضوع

من الاخر ، اشتغل على الكلمات اللى علهيا منافسة وماتهملهاش، وفى نفس الوقت اشتغل على الكلمات اللى ليها علاقة بتحقيق هدفك مباشرة

فى شركة تانية اشتغلنالها SEO
كان الموقع خاص بشركة سياحة ، وجالنا يقولنا انا نفسي اطلع فى كلمة Egypt ، بصيتلة وقولتلة مش هتطلع بيها ، وحتي لو انت رقم واحد فى جوجل بالكلمة دي ولا هتعملك اى حاجة ، انت عاوز Requests ، صح ؟
قالي اه اكيد ،، قولتلة يبقي تمام ، خلينا نركز على الهدف دا، وهنشتغل على كلمات زي Egypt Tours ، Egypt Travel Packages، Egypt Nile Cruises ...etc ودي هتاخد وقت على ما نطلع بيها ، وهنشتغل جمبها على كلمات تانية زي Egypt Shore Excursions , Egypt day tours, وغيرها ودي هتاخد وقت اقل ، وهنشتغل على كلمات بقى اهم من دول كلهم Cairo day tours from Hurghada, Cairo day tours from Alexandria port وغيرها ، وطبعا مع متابعة Analytics وانك تعمل Tracking كويس لاى ريكويست او طلب يجي من الموقع ، اتأكدت وجهة نظرنا ، ان دول اللى بيجيبوا الريكوست او العميل او بمعني ادق ( الفلوس ) :) فى الوقت اللى كنا ظهرنا فى الصفحة الاولي بكل الكلمات دي

كانت الشركة دي عندها موقعين ، والاتنين بيظهروا فى السيرش، احنا اشتغلنا على واحد بس ساعتها ، واللى اشتغلنا علية كانت زياراتة اقل بكتير من الموقع التاني اللى عندهم بحوالي الضعف تقريبا ، بس رغم دا ، الريكوستات او الحجوزات كانت اكتر من الموقع اللى اشتغلنا علية

اهتم بالكيف مش بالكم ، وطول ما انت بتحقق اهدافك وبتوصلها فا انت ناجح ، والمنافسة بتخليك اقوي فى شغلك وبتخليك تركز اكتر ولو مش موجودة منافسة يبقي مفيش طعم للشغل

ارسل لنا رسالتك

يمكنك استخدام النموذج التالي لارسال رسالتك او طلبك ، وسوف يقوم فريق عمل سيو ايرا بالرد على رسالتك وطلبك فى خلال 24 ساعه، قد يتأخر الرد قليلاً ايام الاجازات الرسمية وايام الاجازة الاسبوعية ايام الجمعه والسبت

اشترك في النشرة البريدية

تواصل معنا

يسعدنا تواصلكم معنا عن طريق واحدة او اكثر من الطرق التالية

اتصل بنا

موبايل:01068408586 2+

واتس اب :01068408586 2+

عنوان سيو ايرا

الشطر العاشر ، زهراء المعادي

بجوار كارفور الدائري

الايميل

seo@seoera.net

seo@seoera.com.eg

تابعنا علي